હરિ તારા નામ છે હજાર

 

 🎵હરિ તારા નામ છે હજાર lyrics | Gujarati dhun - Hari tara naam se hajar lyrics 

〰〰〰〰〰〰〰〰〰

હરિ તારા નામ છે હજાર , ક્યાં નામે લખવી કંકોત્રી
રોજ રોજ બદલે મુકામ , ક્યાં નામે લખવી કંકોત્રી.

કોઈ તને રામ કહે , કોઈ તને શ્યામ કહે
કોઈ કહે નંદનો કિશોર , ક્યાં નામે લખવી કંકોત્રી.    હરિ તારા...

મથુરામાં મોહન ને , ગોકુળમાં ગોવાળીયો
દ્વારિકામાં રાજા રણછોડ , કયા નામે લખવી કંકોત્રી.    હરિ તારા...

નરસિંહ મેહતાનો તું , સ્વામી શામળીયો
મીરાના ગિરિધર ગોપાલ , ક્યાં નામે લખવી કંકોત્રી.    હરિ તારા...

ભક્તોની રાખે ટેક , રૂપો ધર્યા તે અનેક
અંતે તો એકનો એક , ક્યાં નામે લખવી કંકોત્રી.    હરિ તારા...

નામ તારા છે હજાર , ગણતા ન આવે પાર
પહોચે ન પુરો વિચાર, ક્યાં નામે લખવી કંકોત્રી.    હરિ તારા...

〰〰〰〰〰〰〰〰〰

ગુજરાતી ભજન