"આજની ઘડી રે રળિયામણી..."

જીરે આજની ઘડી રે રળિયામણી,

મારો વા’લો આવ્યાની વધામણી રે…..ટેક.

જીરે તરિયા તોરણ તે બંધાવિયાં રે,

મારા વાલાજીને મોતીડે વધાવિયા રે— જીરે આજની. ૧.

જીરે કમ્કુ એસરની ગાર કરાવી મેંરે;

ઝીણી કસ્તુરીની ચોકડી ઓઅડાવિયેરે— જીરે આજની. ૨.

જી રે લીલા, પીળા તે વાંસ વઢાવિયારે,

મારા વાલાજીનો મંડપ રચાવિયે રે— જીરે આજની. ૩.

જી રે પૂર્યો પૂર્યો સુહાગણ સાથિયોરે;

વાલો આવે મલપતો હાથિયો રે— જીરે આજની. ૪.

જી રે ગંગા-જમુનાના નીર મંગાવિયેરે,

મારા વાલાજીનાં ચરણ પખાળિયે રે— જીરે આજની. ૫.

જી રે સોનાં રૂપાંની થાળી મંગાવિયેરે;

માંહે ચમકતો દીવડો મેલાવિયે રે— જીરે આજની. ૬.

જી રે તન, મન, ધન, ઓવારિયેરે;

મારા વાલાજીની આરતી ઉતારીયે રે— જીરે આજની. ૭.

જી રે રસ વધ્યો છે અતિ મીઠડોરે,

મે’તા નરસૈંયાનો સ્વામી દીઠડો રે— જીરે આજની. ૮.